حزب الله وحماس واسرائيل

طبعا كله سمع وشاف اللى حصل فى فى فلسطين -اسرائيل حاليا وحتى اشعار آخر- واللى بيحصل كمان فى لبنان

معنديش حاجة أقولها غير اننا فرحان أى والله فرحان، جايز يكون ده هبل وعبط بس دى الحقيقة أنا فرحان، فرحان عشان مات كام واحد اسرائيلى بس ماتوا فى معارك احنا اللى بدأناها -احنا يعنى مسلمين طبعا أنا أهون من انى اعنبر نفسى ند للناس اللى شايله كفنها على ايدها وبتحارب- معرك ضعيفة بمقاييس الحروب لكنها كبيرة جنب الهوان والذل اللى احنى عايشين فيه بقالنا قرون.

الحزب الفقرى

كمالة لقصص ثانوية النكد اﻷزلى

استلمت من شوية جواب مكتوب على الظرف بتاعه وزارة التعليم العالى ووزارة الدولة للتنمية اﻹدارية وبرنامج الحكومة اﻹلكترونية -خلى بالك من ده أوى-، المهم الجواب ده فى معرفش ايه رقم سرى عشان رغبات التنسيق عن طريق اﻹنترنت، ماشى ميضرش اى خطوة لقدام

الللى غايظنى بقى ايه: الجواب اللى جاى من وزارتين فى الحكومة جاى فى الظرف معاه اعلان عن الحزب الوطنى ومعرفش ايه امانة عامة وأمانة شباب ومبروك وشوية هجص كده، دلوقتى ايه علاقة الحزب بحاجة زى كده وازاى يسمحوله بأنه يتدخل فى حاجة رسمى تبع الحكومة، يعنى حزب الغد مثلا ممكن يحطولوا اعلان هنا؟

الثانوية العامة

الحق الثانوية العامة، الحق النتيجة بانت ﻷ ما با نتش ده اﻷوائل بس ﻷ مش اﻷوائل وعمالين يهبلو

اذا كانت النتيجة بانت مبيطلعهاش على طول وايريحوا الناس ليه، واللا على رأى Cvirus اهى حاجة بيستهفأوا بيها الشعب عشان يلهوه وما يفكرش فى اللى بيحصل حواليه

وبعدين ايه حكاية اﻷوائل اللى فلقونا بيهم، العالم دى يعبيطه يا بتستعبط هو فيه تعليم أساسا عشان يبقى فيه أوا ئل وأواخر؟ شوية عيال هبله بياخدولهم درسين تلاته عند كام مدرس خبرة يخليه يصم المنهج ويخش يستفرغه فى ورقة اﻹجابة وبعدين يبقى هو ده العبقرى اللى طلع اﻷول على الجمهوريه

أنا هنا تانى

ياه والله زمان

بقالى زماااااااااااااااااااااااان مادخلتش على الويب اﻹمتحانات وسنينها خلصت خلاص

دخلت النهاردة لقيت الspam مالى المدونة عشان أنا سايب التعليقات على البحرى

عشان كده أنا هخلى التعليقات للغير مسجلين تستنى موافقتىﻻ عشان تتنشر فى المدونة

تانى يوم امتحانات

امبارح كان امتحان الشرعى والسموم تحريرى, وأنا طبعا كنت مرعوب وميت فى جلدى وبالذات من السموم لأنها زيها زى الفارماكولوجى معقدانلى فى عيشتى

المهم صحيت الصبح مرعوب وأعقدت أذاكر شوية وبعدين ركبت قطر الساعة 6 ووصلت الجامعة حوالى 8:45 والإمتخان كان الساعة 10, وكل الناس مرعوبة زيي.

طبعا 9:45 كنت فى اللجنة فوق وعندى حالة من التبلد "ضربو الأعور على عينه"

أول يوم امتحانات

النهاردة كان أمتحان شفوى وعملى الطب الشرعى والسموم, وده أول يوم امتحان آخر السنة دى

روحت على ان امتحان العملى هيبدأ الساعة 8, وكالعادة اتلطعنا لحد الساعة حوالى تسعة عقبال ما بدأنا, بس الإمتحان كان سهل وتقريبا مغلطتش الا فى عينة واحدة.

المشكلة فى امتحان الشفوى, قعدت من الساعة 10 لحد 12:30 معرفش مين هيمتحنى وكل المجموعة امتحنة ما عدا أنا والخمسة اللى معايا لحد ما بقت هشد فى شعرى من الخنقة, كل الناس روحت وأنا لسة قاعد وأنا مبكرهش قد الإنتظار وبالذات الإمتحانات.

أى حاجة

عايز اتكلم ومش لاقى حاجة أقولها

مش عارف ليه أحيانا بحث ان عندى مشكلة فى التعبير عن اللى جواياه, يمكن حتى مشكلة فى التواصل مع الآخرين

أنا هقول اى حاجة عشان أنا لازم أقول حاجة

نفسى أكمل دورة البايثون اللى كنت بديها لنفسى (لو مش عارف ايه بايثون روح موت نفسك احسن)

عايز ارجع اترجم تانى فى ال manpages

مش عايز أذاكر اى حاجة تانى

عايز اتعلم C و assemply ,أيوة كده مرة واحدة وعايز اعمل رقعة لكونسول لينكس يعرض عربى كويس بلا بايكون بلا هبل بقى (لو مش عارف ايه لينكس تبقى لسة عايش ليه أصلا)

my blog from the terminal

my blog from the terminal

w3m + mlterm + my blog ;)

اسكندرية

يوم الخميس رحت اسكندرية , قولت اغير جو اﻹحباط اللى أنا فيه

أول مرة أروح اسكندرية تخيلوا !, المهم زرنا المكتبة والقلعة ولفانا شوية وجينا بس خلاص

بس اﻷوتوبيس كان خنقة خد 5 ساعات فى المشوار بس يلا مش مشكلة

طهقت خلاص

نتيجة الإمتحانات بانت وكلها زى الطين

سنة أولى وتانية جيبت جيد جدا, تالته جيبت جيد , بالطريقة دى السنة دى هجيب مقبول والسنة الجاية هشيل مدتين.

بالمناسبة أنا رجعت التعليقات بتاعت المجاهيل بلا moderator approval بلا نيلة يعنى هو فيه سبام ولا سخام

لَقِّم المحتوى