هل نصلح لهذا؟

السؤال ببساطة وبدون فلسفة هل يصلح مسلموا اليوم لحكم العالم ؟

لا أعنى هل يستطيعون بل أعنى هل يصلحون ؟

هل سيصبح عالما أفضل ؟

لا لا لا

هذا هو رأيي، مسلمى اليوم لو تمكنوا لقتلو النساء واﻷطفال ولهدموا البيوت وأحرقوا اﻷخضر و اليابس وحولوا العالم إلى مرتع للظلم والجور -إلا من رحم ربى، وهم قليل-، دعنا لا نخدع أنفسنا ﻷننا سنكون مثل اﻷمريكيين و الصهاينة إن لم نكن أسوأ.

فلنصلح أنفسنا أولا ثم لنتحدّث عن هزيمة اﻷعداء هل يعتقد مسلموا اليوم أنهم اﻷمة التى وعدها الله بالنصر والتمكين، لا بالطبع، تلك أمة تحكم بالشرع قوامها العدل وأساسها التسامح والعفو، وأين نحن من هذا.

كتاباتى

وجدتنى أشعر بالملل وكالعادة لم أجد شيئا مفيدا ﻷكتبه (هل رآنى أحد أكتب شيئا مفيداً من فبل ;) )

المهم انبثقت هذه الفكرة الحمفاء فى رأسى: سأضع فهرسا لكل اﻷشياء المهمة (من وجهة نظرى) التى كتبتها على الويب ، وبهذا أرضى غرورى وأقنع نفسى بأننى شخص مهم ويمكننى عمل أشياء رائعة وأن العالم سيخسر كثيرا لو لم أكن موجودا.

أشياء كتبت معظمها:

قواميس بروتوكول dict

كيف تستخدم MLterm

دعم العربية فى الطرفية

ميتاسى يجعل نوافذك تسبح فى الفضاء METISSE

[http://www.eg

حذف كل التعليقات الغير منشورة

يظهر فى واحد spammer مظبطنى وهارينى spam، المهم phaeron قالى على الـ Query ده عشان يمسح كل التعليقات الغير منشورة روح على
administer -- database -- query
وحط الجملة دى:

 delete from comments where status = 1 ; 
 

وكل التعليقت الغير منشورة هتنحذف.

تحذير أنا مليش فى الـ SQL و معرفش بالظبط ايه ده، يعنى لو حصل مصيبة ماتجيش تعيطلى عشان أنا هكون بعيط أصلا.

لا أجد ما أكتب

كلما فتحت الصفحة ﻷكتب أى تدوينة لا أجد ما أكتبه

لذا فأنا أكتب مالم أجده لعلّى أجده

النتيجة بانت

النتيجة بانت امبارح، واحد صاحبى شافهالى

جبت حوالى 66% يعنى "جيد" بس التقدير رسمى مش بينحسب السنة دى ﻷنه تراكمى، يعنى التقدير حيحسب بعد سنة ساته ماتخلص -رابعة وخامسة وساتة مع بعض-

المفروض أكون زعلان، بس الصراحة أنا زعلان كده وكده ﻷن أنا أساسا مش معترف بالتعليم بتاعنا وبعتبره تعليم فاشل و الدرجات ليست مفياش ﻷى شئ عدا الحفظ والصم

23 يوليو

نص قرن من اﻹستهبال

نص قرن من البطش

نص قرن من الظلم

نص قرن معتقلات

نص قرن نهب فى البلد

شالو ملك محمد على وجابولنا ملك ولاد ال.....

انتصارات ثورتنا المجيدة:حروب مات فيها ألوف المصريين عشان شوية بهايم فاكرين نفسهم قادة عسكريين "بربقتى ياريس"

حرب فى اليمن مالهاش راس من رجلين

واحد عاملى نفسه زعيم الثوار فى العالم وهوة ابن ستين ... ذالل الناس ومضيع البلد

تمخض الجبل فولد "ذُلاً"

صمت العرب حتى طال صمتهم

ثم تحدثوا

ويا ليتهم صمتوا

أسبوع معزول عن العالم

7 أيام بدون هاتف، بدون اتصال بالإنرنيت ببساطة 7 أيام فى مجاهل بيتنا ;)

هكذا بدون أى انذار انقطعت خطوط الهاتف وبعدها عرفت مصادفة أنهم يقومون بعمل احلال وتجديد لخطوط الهاتف، هكذا مجرد إشاعة دون أى معلومات مؤكدة

أى حمق هذا

لكن مهلا، ما العجيب فى هذا ؟ نحن فى _مصر_

حزب الله غلطان ويستاهل

طبعا حزب الله بستعبط وغلطان من ساسه لراسه، ماله هو ومال 5 أو 6 آلاف أسير عند اسرائيل، وايه يعنى ما مصر فيها معتقلين اكتر من دول ومحدش اشتكى

وبعدين يسوى ايه يعنى مقابل صداقة اسرائيل ورضى أمريكا، فى ستين داهيه كل اﻷسرى وفستين داهية كل اللى عايز ياخد حقه

وبعدين بيستهبل ورايح يخطف اسراءيليين ويقتل تانييت، العالم دى عبط هما فاكرين اﻹسرائيليين زينا كده ممكن تخطفهم وتقتلهم ومحدش يقولك انت بتعمل ايه

جنتو كلاكيت تالت مرة

أنا دلوقتى شغال من على نسخة جنتو اللى بنيتها جديد، دى تالت مرة أبنى فيها جنتو

المرة اﻷولانية كانت من غير شبكة، نسخت الملفات من عند محمد حجاج وامشيت ورا اللى هو كان كاتبها، طبعا عشان ما كانش فى نت حصل لعبكة كتير وقضيت نصة الوقت عمال أوفق ديه مع دى عشان أمشى نفسى بالسورسات اللى موجودة وميشيت واشتغلت عسل

المرة التانية كانت بعد ما وصلت نت فى البيت أول مرة -وصلت شهر واحد وفصلت تانى- كانت ايام امتحانات نص السنة، ما كانش فى لعبكة كتير بس أنا بنيتها من غير مبص كويس فى الكتيب بتاع جنتو ومشيت وقضت غرضها

لَقِّم المحتوى